ନୀଳାଚଳ ରଜ ମହୋତ୍ସବ ତୃତୀୟ ସନ୍ଧ୍ୟା

ପୁରୀ:୧୫/୬(ଓଡ଼ିଆ ପୁଅ/ବିଜୟ ପଟ୍ଟନାୟକ): ଅର୍ବାନ ହାଟ ପରିସରରେ ଆୟୋଜିତ ନୀଳାଚଳ ରଜ ମହୋତ୍ସବ ଦ୍ୱିତୀୟ ସନ୍ଧ୍ୟାର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଅନୁଷ୍ଠାନର ସଭାପତି ମହେଶ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ନଗରପାଳ ଜୟନ୍ତ କୁମାର ଷଡଙ୍ଗୀ ମୁଖ୍ୟ ଅତିଥି ଭାବେ ଯୋଗ ଦେଇ ପୁରୀ ସହରରେ ଏଭଳି କାର୍ଯ୍ୟକ୍ରମ ଆୟୋଜନ ସ୍ୱାଗତଯୋଗ୍ୟ ପଦକ୍ଷେପ ବୋଲି ମତ ଦେଇଥିଲେ। ବରିଷ୍ଠ ସେବାୟତ ଭଗବାନ ସୁଆର, ଜିଲ୍ଲା ପରିଷଦ ସଭ୍ୟ ଦିବାକର ପାତ୍ର ଓ ପୌର ସଦସ୍ୟ ବିଭୂତି ଭୂଷଣ ସେଠୀ ଉତ୍ସବରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଅନୁଷ୍ଠାନର ଉପ ସଭାପତି ଦିଲ୍ଲୀପ ଦାସ, ସମ୍ପାଦକ ସ୍ୱପ୍ନେନ୍ଦୁ ରାଉତ, କୋଷାଧ୍ୟକ୍ଷ ବିଜୟ ପଟ୍ଟନାୟକ, ରବି ନାରାୟଣ ମହାନ୍ତି, ମଧୁସୂଦନ ବାରିକ ପ୍ରମୁଖ ମଞ୍ଚାସୀନ ଥିଲେ। ଦ୍ୱିତୀୟ ସନ୍ଧ୍ୟାରେ ପୁରୀ ଡ୍ୟାନ୍ସ ଏକାଡେମୀ ପକ୍ଷରୁ ପରିବେଷିତ ଓଡିଶୀ ନୃତ୍ୟ ଦର୍ଶକଙ୍କ ମନ ଜିଣିଥିଲା। ଏଥିସହ ଆରଡି ଡ୍ୟାନ୍ସ ଓ କଲଚରାଲ ଏକାଡେମୀ ପକ୍ଷରୁ ପାଲା ପରିବେଷଣ କରାଯାଇଥିବା ବେଳେ ରଙ୍ଗ ସଭା ପକ୍ଷରୁ ନାଟକ ପେଣ୍ଟେଡ ମେଡିସିନ ମଞ୍ଚସିତ ହୋଇଥିଲା। ସେହିପରି ଡିଭାଇନ୍ ସ୍ପିରିଡ୍ ପକ୍ଷରୁ ଯୋଗ ଓ ମାଲଖମ୍ ପ୍ରଦର୍ଶିତ ହୋଇଥିଲା। ଦର୍ଶକମାନେ ସାଂସ୍କୃତିକ କାର୍ଯ୍ୟକ୍ରମକୁ ମନ ଭରି ଉପଭୋଗ କରିଥିଲେ।

Leave a Reply

Your email address will not be published. Required fields are marked *