ଟ୍ରେନ୍ ରୁ ଖସିଲେ ଯୁବକ

ରେଢ଼ାଖୋଲ, ୩୧/୮ (ଓଡ଼ିଆ ପୁଅ)- ରେଢ଼ାଖୋଲ ଷ୍ଟେସନରୁ ପ୍ରାୟ ୧୦ କିମି ଦୂର ବଂଶାଜାଲ ଗ୍ରାମ ନିକଟରେ ବିଳମ୍ବିତ ରାତ୍ରରେ ପୁରୀ-ଦୁର୍ଗ ଟ୍ରେନ୍ ରୁ ଖସି ଜଣେ ଯୁବକ ଆହତ ହୋଇଛନ୍ତି। ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଥାନା ଅନ୍ତର୍ଗତ ଗନ୍ଧରାବନ୍ଧ ଗ୍ରାମର ଡ଼ୁଲେଶ୍ୱର ସା (୨୦) ଖୋର୍ଦ୍ଧାରେ କାମ କରନ୍ତି। ଟ୍ରେନ୍ ରେ ଘରକୁ ଆସୁଥିବା ବେଳେ ଗତ ରାତି ପ୍ରାୟ ସାଢ଼େ ୨ଟା ସମୟରେ ଟ୍ରେନ ବେସିନ୍ ରେ ମୁହଁ ଧୋଉଥିବା ବେଳେ ଭାରସାମ୍ୟ ହରାଇ ଦରଜା ବାହାରକୁ ଫୋପାଡ଼ି ହୋଇ ପଡ଼ିଥିଲେ। ସୌଭାଗ୍ୟକୁ ମୁଣ୍ଡ ଫାଟିବା ବ୍ୟତୀତ ସେ ବିଶେଷ ଭାବରେ ଆହତ ହୋଇନଥିଲେ। ତଥାପି ଖୁବ୍ କଷ୍ଟରେ ନିକଟସ୍ଥ ଗାଁକୁ ଯାଇ ଘଟଣା ସମ୍ପର୍କରେ କହିବା ପରେ ଗ୍ରାମବାସୀ ୧୦୮ ଆମ୍ବୁଲାନ୍ସ ଡକାଇ ଯୁବକକୁ ରେଢ଼ାଖୋଲ ଡାକ୍ତରଖାନାକୁ ପଠାଇଥିଲେ। ରେଳବାଇ ପୋଲିସ ଯୁବକକୁ ପଚରାଉଚରା କରି ବଲାଙ୍ଗିରକୁ ପଠାଇ ଦେଇଛି।

Leave a Reply

Your email address will not be published. Required fields are marked *