ad
ଓଡ଼ିଶା

ଟ୍ରାକ୍ଟର ଓଲଟି ଶ୍ରମିକ ମୃତ

ଆସିକା : ୦୬/୧୦ (ଓଡ଼ିଆ ପୁଅ/ଲଡୁ କିଶୋର ଦାସ) ଗତକାଲି ବିଳମ୍ବିତ ରାତିରେ ଏକ ଇଟା ବୋଝେଇ ଟ୍ରାକ୍ଟର ଓଲଟି ପଡିବାରୁ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ଏଭଳି ଅଭାବନୀୟ ଘଟଣା ଘଟିଛି ଆସିକା ଅଞ୍ଚଳରେ। ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ଏକ ଇଟା ବୋଝେଇ ଟ୍ରାକ୍ଟର ଓଲଟି ପଡିବାରୁ ଜଣେ ଶ୍ରମିକ ଗୁୁରୁତର ଆହତ ହୋଇ ଆସିକା ମେଡିକାଲରେ ଭର୍ତ୍ତି ହୋଇଥିଲେ। ଆଜି ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ମୃତ ବ୍ୟକ୍ତି ଜଣଙ୍କ ଧରାକୋଟ ବ୍ଲକ ସିଙ୍ଗିପୁର ଗାଁର ୫୨ ବର୍ଷିୟ ସୁଧାକର ମୁନୀ ବୋଲି ଜଣାପଡ଼ିଛି। ସୁଧାକର ଜଣେ ଗରିବ ଓ ଶ୍ରମିକ ଶ୍ରେଣୀର ବ୍ୟକ୍ତି। ସେ ଏକ ଇଟା ବୋଝେଇ ଟ୍ରାକ୍ଟରରେ ଲେବର୍ କାମ କରନ୍ତି।

ପ୍ରତିଦିନ ଭଳି ସେ ଘରୁ ବାହାରି ଇଟା ଲୋଡିଂ ପାଇଁ ସୋରଡାକୁ ଯାଇଥିଲେ। ସେଠାରୁ ଫେରିବା ସମୟରେ ଟ୍ରାକ୍ଟରଟି ସୋରଡ଼ା-ଆସିକା ମୁଖ୍ୟରାସ୍ତାର ପାଟପୁର ଓ ବାରଧାଙ୍ଗିଡ଼ି ନିକଟରେ ଭାରସାମ୍ୟ ହରାଇ ଓଲଟିପଡିଥିଲା। ଏଥିରେ ସୁଧାକର ମୁନୀ ଗୁରୁତର ଆହତ ହୋଇପଡିଥିଲେ। ତାଙ୍କର ମୁଣ୍ଡ, ନାକ, ଅଣ୍ଟା ଓ ପିଠିରେ ଗଭୀର ଆଘାତ ଲାଗିଥିଲା। ତୁରନ୍ତ ଗୁରୁତର ଅବସ୍ଥାରେ ସୁଧାକରଙ୍କୁ ଚିକିତ୍ସା ପାଇଁ ଆସିକା ମେଡ଼ିକାଲକୁ ନିଆଯାଇଥିଲେ। ସେଠାରେ ଚିକିତ୍ସାଧୀନ ଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଅପରପକ୍ଷରେ ସୁଧାକର ଜଣେ ଦିନ ମଜୁରୀଆ ଓ ଗରିବ ହୋଇଥିବାରୁ ତାର ପରିବାରକୁ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି। ଖବରପାଇ ଗାଙ୍ଗପୁର ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top