ଗ୍ୟାସ ପେଟ୍ରୋଲ ଓ ଡିଜେଲ ଦର ବୃଦ୍ଧି ପ୍ରତିବାଦରେ କଂଗ୍ରେସ ତରଫରୁ ବନ୍ଦ

ତୁରୁମୁଙ୍ଗା ୧୦-୯ (ଓଡ଼ିଆ ପୁଅ/ସନ୍ତୋଷ ପତି) ଜାତୀୟ କଂଗ୍ରେସର ବନ୍ଦ ଡାକରାରେ ଆଜି କେନ୍ଦୁଝର ଜିଲା ପାଟଣା ବ୍ଲକ ବନ୍ଦ କରାଯାଇଛି। ଏହାକୁ ସାଧାରଣରେ ସମ୍ପୂର୍ଣ୍ଣ ସ୍ୱାଗତ କରାଯାଇ ଶତାଧିକ କଂଗ୍ରେସ କର୍ମୀଙ୍କ ଦ୍ୱାରା ସମ୍ପୂର୍ଣ୍ଣ ବନ୍ଦ କରାଯାଇଥିଲା। ବ୍ୟାଙ୍କ ସମେତ ପେଟ୍ରୋଲ ପମ୍ପ ବନ୍ଦ ରହିଥିଲା ତୁରୁମୁଙ୍ଗାର ନିନୂହାଁ ଛକ ନିକଟରେ ୨୨ ନମ୍ବର ଯୋନର ସଭାପତି ବସନ୍ତ ମିଶ୍ର ଓ ଶତ୍ରୁଘ୍ନ ସିଂ ବରିଷ୍ଠ କଂଗ୍ରେସ ନେତା କିରାଣୀ ସେଠି ପୂର୍ବତନ ବ୍ଲକ କଂଗ୍ରେସ କମିଟି ସଭାପତି ଗୋବିନ୍ଦ ଚନ୍ଦ୍ର ମହାନ୍ତ ୨୧ ନମ୍ବର ଯୋନ ସଭାପତି ଆର୍ତ୍ତତ୍ରାଣ ମହାନ୍ତ ଯୁବ କଂଗ୍ରେସ ନେତା ମୁନା ସେଠୀଙ୍କ ନେତୃତ୍ୱରେ ୪୯ ନମ୍ବର ଜାତୀୟ ରାଜପଥକୁ ଅବରୋଧ କାରାଯାଇଥିଲା। ଫଳରେ ୪୯ ନମ୍ବର ଜାତୀୟ ରାଜପଥରେ ଶହ ଶହ ମାଲବାହୀ ଟ୍ରକ ଅଟକି ରହିଥିଲା। ଅନୁରୂପ ଭାବେ ସାହାରପଡ଼ା ବ୍ଲକର ବ୍ଲକ ଛକ ନିକଟରେ ୩୦ ନମ୍ବର ଯୋନର ସଭାପତି ବିରଭଦ୍ର ମହାନ୍ତ,୨୯ ନମ୍ବର ଜୋନର ସଭାପତି ଅଜିତ କୁମାର ମହାପାତ୍ରଙ୍କ ନେତୃତ୍ୱରେ ରାଞ୍ଚି ବିଜୟୱାଡା ରାସ୍ତାକୁ ଅବରୋଧ କରାଯାଇଥିଲା। ଶାନ୍ତି ଶୃଂଖଳା ରକ୍ଷା କରିବା ପାଇଁ ତୁରୁମୁଙ୍ଗା ପୋଲିସ ଓ ସାହାରପଡା ଫାଣ୍ଡି ପୋଲିସ ଉପସ୍ଥିତ ରହିଥିଲେ।

Leave a Reply

Your email address will not be published. Required fields are marked *