କୋରାପୁଟ ସଦର ଡାକ୍ତରଖାନାର ନୂତନ ଅଧିକ୍ଷକଙ୍କ ଦାୟିତ୍ୱ ଗ୍ରହଣ

କୋରାପୁଟ ; ତା୨୭-୧୨-୧୭(ଓଡିଆପୁଅ/ରଂଜନ କୁମାର ଦାସ)କୋରାପୁଟ ସଦର ଡାକ୍ତରଖାନାର ଜିଲ୍ଲା ସ୍ୱାସ୍ଥ୍ୟ ଅଧିକାରୀ(ସ୍ୱାସ୍ଥ୍ୟ ସେବା) ତଥା ଅଧିକ୍ଷକ ଭାବେ ଡାକ୍ତର କାଳୀ ପ୍ରସାଦ ବେହେରା ବୁଧୁବାର ପୂର୍ବାହ୍ନରେ ଦାୟିତ୍ୱ ଗ୍ରହଣ କରିଥିଲେ ବୋଲି ଜଣାପଡିଛି।କୋରାପୁଟ ସଦର ଡାକ୍ତରଖାନାରେ ଏଡିଏମଓ ଥିବା ଡାକ୍ତର ପର୍ଶୁରାମ ଚମ୍ପତିରାୟଙ୍କଠାରୁ ଦାୟିତ୍ୱ ଗ୍ରହଣ କରିଥିଲେ।ପୂର୍ବରୁ ଡାକ୍ତର ବେହେରା ଜିଲ୍ଲା ମ୍ୟାଲେରିଆ ଅଧିକାରୀ ଭାବେ କାର୍ଯ୍ୟ କରୁଥିଲେ।

କୋରାପୁଟ ସଦର ଡାକ୍ତରଖାନାର ପରିମଳ ବ୍ୟବସ୍ଥାକୁ ସୁଦୃଢ କରିବା ନିମନ୍ତେ ସେ ପ୍ରାଥମିକତା ଦେବେ ବୋଲି ପ୍ରକାଶ କରିଥିଲେ।ନିରାମୟ ଯୋଜନାରେ କିପରି ରୋଗୀମାନେ ମାଗଣା ମେଡିସିନ ପାଇପାରିବେ ସେଥିପ୍ରତି ମଧ୍ୟ ସେ ଦୃଷ୍ଟି ଦେବେ ବୋଲି ସୂଚନା ଦେଇଥିଲେ।ଆସନ୍ତା ୧ ତାରିଖଠାରୁ ସମସ୍ତ ପରୀକ୍ଷା ମାଗଣାରେ କରିବାକୁ ସରକାର ନିର୍ଦ୍ଦେଶ ଦେଇଥିବାରୁ ଏହାକୁ ଠିକଭାବେ କାର୍ଯ୍ୟକାରିବାକୁ ସେ ଯତ୍ନବାନ ରହିବେ ବୋଲି ପ୍ରକାଶ କରିଥିଲେ।କୋରାପୁଟ ସହୀଦ ଲକ୍ଷ୍ଣଣ ନାୟକ ମେଡିକାଲ କଲେଜ ଓ ହସପିଟାଲର ଅଧିକ୍ଷକ ଭାବେ ଜଣେ ଅଧିକାରୀ ରହିଥିବା ବେଳେ ଆପଣଙ୍କୁ କୈାଣସି ପ୍ରଶାସନିକ ଅସୁବିଧା ହେବ କି ନାହିଁ ବୋଲି ପ୍ରଶ୍ନ କରିବାରୁ ଉତମ ସମନ୍ନୟ ରକ୍ଷାକରି କାର୍ଯ୍ୟ କରିବୁ ବୋଲି ସେ ପ୍ରକାଶ କରିଥିଲେ।

Leave a Reply

Your email address will not be published. Required fields are marked *