କୋରାପୁଟ

କୋରାପୁଟ ସଦର ଡାକ୍ତରଖାନାର ନୂତନ ମ୍ୟାନେଜରଙ୍କ କାର୍ଯ୍ୟରେ ଯୋଗଦାନ; କଲେଜର ନୂତନ ମ୍ୟାନେଜରଙ୍କ କାର୍ଯ୍ୟରେ ଯୋଗଦାନ

କୋରାପୁଟ ; ତା୨୫-୦୫-୧୮(ଓଡିଆ ପୁଅ/ରଂଜନ କୁମାର ଦାସ)କୋରାପୁଟ ସଦର ଡାକ୍ତରଖାନାର ନୂତନ ମ୍ୟାନେଜର ଭାବେ ଅଭିରାମ ସାହୁ କାର୍ଯ୍ୟରେ ଯୋଗଦାନ କରିଥିବା ଜଣାପଡିଛି।ଏଠାରେ ଥିବା ଲଲିତ ସାହୁଙ୍କୁ କ୍ୟାପିଟାଲ ହସପିଟାଲ ଭୁବନେଶ୍ୱରକୁ ବଦଳି କରାଯାଇଥିବା ଜନାପଡିଛି।କୋରାପୁଟ ହସପିଟାଲରେ ୪ ବର୍ଷ କାର୍ଯ୍ୟକରି ସମସ୍ତଙ୍କର ଆସ୍ଥାଭାଜନ ହୋଇପାରିଥିଲେ।ତାଙ୍କର ପରିଚାଳନତା ଦକ୍ଷତା ଥିବାରୁ ହସପିଟାଲର ସମସ୍ତ କାର୍ଯ୍ୟ ଅତି ସହଜରେ ସଂପାଦନା ହୋଇପାରୁଥିଲା ବୋଲି ସଦର ଡାକ୍ତରଖାନାର ଅଧିକ୍ଷକ ଡାକ୍ତର କାଳି ପ୍ରସାଦ ବେହେରା ପ୍ରକାଶ କରିଥିଲେ।ସେହିପରି ସହୀଦ ଲକ୍ଷ୍ଣଣ ନାୟକ ମେଡିକାଲ କଲେଜ ଓ ହସପିଟାଲରେ ଦେବବ୍ରତ ସାହୁ ମ୍ୟାନେଜର ଭାବେ କାର୍ଯ୍ୟରେ ଯୋଗଦେଇଥିବା ଜଣାପଡିଛି।କୋରାପୁଟ ହସପିଟାଲରେ ୨ ଜଣ ମ୍ୟାନେଜର ଯୋଗଦେଇଥିବାରୁ ଏହି ଦୈତଶାସନରେ କାର୍ଯ୍ୟ ବାଧାପ୍ରାପ୍ତ ହେବାର ଆଶଙ୍କା ରହିଥିବା ଜଣାପଡିଛି।କାରଣ କୋରାପୁଟ ଡାକ୍ତରଖାନାର ଅଧିକ୍ଷକ ଭାବେ ଡାକ୍ତର କାଳି ପ୍ରସାଦ ବେହେରା ରହିଥିବା ବେଳେ କଲେଜର ଅଧିକ୍ଷକ ଭାବେ ପ୍ରଫେସର କ୍ଷେତ୍ରବାସୀ ସୁବୁଦ୍ଧି ରହିଛନ୍ତି। ୨ ଜଣ ଅଧିକ୍ଷକ ରହି ଦୈତଶାସନ ଯୋଗୁଁ ପ୍ରଶାସନିକ କାର୍ଯ୍ୟ ବାଧାପ୍ରାପ୍ତ ହେଉଛି ବୋଲି ପ୍ରଫେସର ସୁବୁଦ୍ଧି ବାରମ୍ବାର ଅଭିଯୋଗ କରୁଛନ୍ତି।ତାଙ୍କ କଥା ଅନେକ କର୍ମଚାରୀ ଶୁଣୁ ନ ଥିବା ସେ ଅଭିଯୋଗ କରିଛନ୍ତି।ଜଣେ ଅଧିକ୍ଷକ ରହିଲେ ପ୍ରଶାସନିକ ବ୍ୟବସ୍ଥା ଠିକଭାବେ ଚାଲିବ ବୋଲି ପ୍ରଫେସର ସୁବୁଦ୍ଧି ମତବ୍ୟକ୍ତ କରିଛନ୍ତି।

କୋରାପୁଟ ଜିଲ୍ଲା ସଦର ଡାକ୍ତରଖାନା ଜୟପୁରକୁ ସ୍ଥାନାନ୍ତରିତ କରିବାକୁ ରାଜ୍ୟ ସରକାର ନିଷ୍ପତି ନେଇଥିବା ବେଳେ ଏ ପର୍ଯ୍ୟନ୍ତ କାର୍ଯ୍ୟକାରିତା ହୋଇ ନ ଥିବା ଜଣାପଡିଛି।ଜୟପୁରର ଉମୁରୀଠାରେ ମାତୃ ଓ ଶିଶୁ ସ୍ୱାସ୍ଥ୍ୟ କେନ୍ଦ୍ରଠାରେ ଜିଲ୍ଲା ସଦର ଡାକ୍ତରଖାନା ଚାଲିବା ନିମନ୍ତେ ଜିଲ୍ଲା ପ୍ରଶାସନ ନିଷ୍ପତି ନେଇଥିବା ଜଣାପଡିଛି।ମାତ୍ର ୫୦ ଟି ଅନ୍ତଃଓାର୍ଡରେ କିପରି ଜିଲ୍ଲା ସଦର ମହକୁମା ଡାକ୍ତରଖାନା ଚାଲିବ ତାହାକୁ ନେଇ ସାଧାରଣରେ ସନ୍ଦେହ ପ୍ରକାଶ ପାଇଛି।ଡାକ୍ତର, ନର୍ସ ଓ କର୍ମଚାରୀମାନଙ୍କ ବିଶ୍ରମ ନିମନ୍ତେ ଗୃହ ନିର୍ମାଣ କରାଯାଇ ନ ଥିବା ଅଭିଯୋଗ ହେଉଥିବା ବେଳେ କ୍ୟାଟିଂନର ସୁବିଧା ମଦ୍ୟ ନ ଥିବା ଜଣାପଡିଛି।ଚଳିତ ମାସରେ ପ୍ରଥମ ପର୍ଯ୍ୟାୟରେ କିଛି ଡାକ୍ତର, ନର୍ସ, ଫର୍ମାଶିଷ୍ଟ ଯିବେ ବୋଲି ଭାରପ୍ରାପ୍ତ ସିଡିଏମଓ ଡାକ୍ତର କାଳି ପ୍ରସାଦ ବେହେରା ସୂଚନା ଦେଇଛନ୍ତି।ହସପିଟାଲରେ ଅବଶ୍ୟକ ନର୍ସ ଓ ଷ୍ଟାଫ ନର୍ସ ନିଯୁକ୍ତି ହୋଇ ନ ଥିବାରୁ ନର୍ସ ଓ ଫାର୍ମାଶିଷ୍ଟ ଏଠାରୁ ଜୟପୁର ଯିବେ ତାହା ହେଲେ ହସପିଟାଲ କିପରି ଚାଲିବ ବୋଲି ସାଧାରଣରେ ଆଲିଚ୍ୟର ବିଷୟ ହୋଇପଡିଛି।ହସପିଟାଲରେ ଆବଶ୍ୟକ ପଦବୀ ପୂରଣ କରିବାପରେ ହିଁ ସଦର ମହକୁମା ଡାକ୍ତରଖାନା ଜୟପୁରକୁ ସ୍ଥାନାନ୍ତରିତ କରାଯାଉ ବୋଲି ସାଧାରଣରେ ଦାବି ହେଉଛି।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top