ଓଡ଼ିଶା

କେନ୍ଦ୍ର କ୍ୟାବିନେଟ ମଞ୍ଜୁରୀ: ସରକାର ବିକିବେ : ଆପଣ କିଣିବେ

ନୂଆଦିଲ୍ଲୀ ୯-୧୧ (ଓଡ଼ିଆ ପୁଅ) କେନ୍ଦ୍ର କ୍ୟାବିନେଟ ବୈଠକରେ କେନ୍ଦ୍ର ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତି ନେଇଛନ୍ତି। ବିନିବେଶ ପ୍ରକ୍ରିୟା ଅନୁଯାୟୀ ୬.୫ କୋଟିରୁ ଅଧିକ ‘ଏନିମି ସେୟାର’ ର ବିକ୍ରୀ ପାଇଁ ପ୍ରସ୍ତୁତ କରାଯାଇଥିବା ମୈକାନିଜମ୍ କୁ କ୍ୟାବିନେଟ ମଞ୍ଜୁରୀ ମିଳିଛି।

ପ୍ରଥମେ ଚାଲନ୍ତୁ ଜାଣିବା ଏନିମି ସେୟାର କ’ଣ?

ପ୍ରାୟ ସମସ୍ତେ ଉଣା ଅଧିକ ଜାଣିଥିବେ ଏନିମି ପ୍ରପର୍ଟି ବିଷୟରେ। ଏହାର ଅର୍ଥ ଭାରତ ପାକିସ୍ଥାନ ବିଭାଜନ ପରେ ଯେଉଁମାନେ ଭାରତ ଛାଡ଼ି ପାକିସ୍ଥାନ ଚାଲିଯାଇଥିଲେ ସେମାନେ ଭାରତରେ ଛାଡ଼ିଯାଇଥିବା ପ୍ରପର୍ଟିକୁ ଏନିମି ପ୍ରପର୍ଟି କୁହାଯାଇଥାଏ। ଏଥିରେ ଚଳ ଏବଂ ଅଚଳ ସମ୍ପତ୍ତି ଅନ୍ତର୍ଭୁକ୍ତ ଏଥିପାଇଁ ଏନିମି ପ୍ରପର୍ଟି ଆକ୍ଟ ୧୯୬୮ ରେ ଏହାର ବିଭିନ୍ନ ନିୟମ ଉଲ୍ଲେଖ ଅଛି।

ସେହିପରି ଏହି ଏନିମି ସେୟାର ହେଉଛି ଭାରତ ପାକିସ୍ଥାନ ବିଭାଜନ ପରେ ପାକିସ୍ତାନ ଚାଲିଯାଇଥିବା ନିବେଶକମାନଙ୍କର ବିଭିନ୍ନ କମ୍ପାନୀରେ ଥିବା ଅଂଶଧନ।

କେନ୍ଦ୍ର ସରକାର ସରକାର ଏବେ ୯୯୬ କମ୍ପାନୀରେ ଥିବା ଏହି ଏନିମି ସେୟାର ଗୁଡ଼ିକୁ ବିକ୍ରୀକରିବା ପାଇଁ ଚାହୁଁଛନ୍ତି। ଏହି ସେୟାରଗୁଡ଼ିକର ମୂଲ୍ୟ ପ୍ରାୟତଃ ୩, ୦୦୦ କୋଟି ଟଙ୍କା। ଏହାକୁ ବିକ୍ରୀ କରି ଏଥିରୁ ମିଳିବାକୁ ଥିବା ଧନ କୁ ବିକାଶ ମୂଳକ କାର୍ଯ୍ୟରେ ବିନିଯୋଗ କରିବା ପାଇଁ କେନ୍ଦ୍ର ସରକାର ଇଚ୍ଛା ପ୍ରକାଶ କରିଛନ୍ତି। ଗୃହ ମନ୍ତ୍ରଣାଳୟ କଷ୍ଟୋଡିଆନ ଅଫ ଏନିମି ପ୍ରପର୍ଟୀଜ ଅଫ ଇଣ୍ଡିଆ (ସିଇପିଆଇ) ନିକଟରେ ଥିବା ୯୯୬ କମ୍ପାନୀଗୁଡ଼ିକରେ ୨୦, ୩୨୩ ସେୟାରଧାରକମାନଙ୍କର ୬, ୫୦, ୭୫, ୮୭୭ ସେୟାର ଅଛି। ଏମାନଙ୍କ ମଧ୍ୟରେ ୫୮୮ କମ୍ପାନୀ ବର୍ତ୍ତମାନ ଚାଲୁଛି ଏବଂ ୧୩୯ କମ୍ପାନୀ ସୂଚୀବଦ୍ଧ ମଧ୍ୟ ଅଛନ୍ତି।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top