କର୍ଣ୍ଣାଟକରେ ଅଣଗଣତାନ୍ତ୍ରିକ ପଦ୍ଧତି ଅବଲମ୍ବନ କରାଯାଇଥିବା ଅଭିଯୋଗ କଲା କଂଗ୍ରେସ ; ପ୍ରତିବାଦରେ ଜିଲ୍ଲା କଂଗ୍ରେସର ଶୋଭାଯାତ୍ରା ଓ ଦାବିପତ୍ର ପ୍ରଦାନ

କୋରାପୁଟ ; ତା୧୮-୦୫-୧୮(ଓଡିଆପୁଅ /ରଂଜନ କୁମାର ଦାସ) କର୍ଣ୍ଣାଟକରେ ଅଣଗଣତାନ୍ତ୍ରିକ ପଦ୍ଧତି ଅବଲମ୍ବନ କରାଯାଇ ବିଜେପିକୁ ମୁଖ୍ୟମନ୍ତ୍ରୀ ପଦବୀରେ ରାଜ୍ୟପାଳ ନିମନ୍ତ୍ରଣ କରିଥିବା ଅଭିଯୋଗ କରି କୋରାପୁଟ ଜିଲ୍ଲା କଂଗ୍ରେସର ନେତା ଓ କର୍ମିମାନେ ସହର ଶୋଭାଯାତ୍ରା କରି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ଜରିଆରେ ଦାବିପତ୍ର ପ୍ରଦାନ କରିଥିବା ଜଣାପୋଡିଛି।କୋରାପୁଟ ଜିଲ୍ଲା କଂଗ୍ରେସ କମିଟି ସଭାପତି ମିନାକ୍ଷି ବାହିନିପତିଙ୍କ ନେତୃତ୍ୟରେ ଜୟପୁର ବିଧାୟକ ତାରା ପ୍ରସାଦ ବାହିନିପତି, ଲକ୍ଷ୍ମିପୁର ବିଧାୟକ କୈଳାସ କୁଲେସିକା, ପୂର୍ବତନ ବିଧାୟକ ରାମଚନ୍ଦ୍ର କାଡାମ ଓ ନିମାଁଇ ସରକାର, କୋରାପୁଟ ବ୍ଲକ କଂଗ୍ରେସ କମିଟି ସଭାପତି ବାବୁଲା ବେନିଆ, କୋରାପୁଟ ବ୍ଲକ ଅଧ୍ୟକ୍ଷା ନମିତା ମାଝି, କୋରାପୁଟ ମ୍ୟୁନସିପାଲଟି ଅଧ୍ୟକ୍ଷ ଭଗବାନ ବାହିନିପତି, ରୁପକ ତୁରୁକ, କୋରାପୁଟ ନଗର ସଭାପତି ଭବାନୀ ଶଙ୍କର ମିଶ୍ର ଏବଂ କର୍ମିମାନେ ମାଉସୀମା ମନ୍ଦିରରୁ ଶୋଭାଯାତ୍ରା କରି ଜିଲ୍ଲାପାଳଙ୍କ ଅଫିସ ସମ୍ମୁଖରେ ପ୍ରତିବାଦ କରିଥିଲେ।କୋରାପୁଟ ପିଡି ଡିଆରଡିଏ ଦେବେନ କୁମାର ପ୍ରଧାନଙ୍କୁ ଦାବି ପତ୍ର ପ୍ରଦାନ କରିଥିଲେ। ମୋଦି ସରକାର ଗଣତନ୍ତ୍ରକୁ ହତ୍ୟାକରିଛନ୍ତି ବୋଲି ଜୟପୁର ବିଧାୟକ ତାରା ପ୍ରସାଦ ବାହିନିପତି ଅଭିଯୋଗ କରିଥିଲେ।ଯେପରି ଭାବରେ ରାଜ୍ୟପାଳ ବିଜେପିକୁ ସରକାର ଗଢିବାକୁ ଡାକିଲେ ତାହାକୁ ଆମ୍ଭେ ଦୃଢଭାବେ ନିନ୍ଦା କରୁଛୁ ବୋଲି ସେ ସୂଚନା ଦେଇଥିଲେ।

Leave a Reply

Your email address will not be published. Required fields are marked *