ଅନୁଗୁଳ

ଏମ୍.ସି.ଏଲ କର୍ମଚାରୀଙ୍କ ଆତ୍ମହତ୍ୟା

ତାଳଚେର, ୧୬/୧(ଓଡ଼ିଆ ପୁଅ/ଅଜିତ କୁମାର ବେହେରା): ତାଳଚେର କୋଲିୟରୀ ଥାନା ଅନ୍ତର୍ଗତ ଏମ୍.ସି.ଏଲ୍ ଭରତପୁର କୋଇଲାଖଣିର ସାଇଲୋ ନିକଟରେ ଜନୈକ ଖଣି କର୍ମଚାରୀ ରଶି ଲଗାଇ ଆତ୍ମହତ୍ୟା କରିଛନ୍ତି। ମୃତ କର୍ମଚାରୀଙ୍କ ନାମ ଦିଲ୍ଲୀପ କୁମାର ବିଶୋଇ(୫୪) ଏବଂ ସେ ଢେଙ୍କାନାଳ ଜିଲ୍ଲା ଭୂଷଣ ଥାନା ଅନ୍ତର୍ଗତ ବାଦୀବାହାଳ ଗ୍ରାମର ବାସିନ୍ଦା ବୋଲି ଜଣାପଡିଛି। ତେବେ ସେ ଅନନ୍ତବିହାର କଲୋନୀସ୍ଥିତ କ୍ୱାର୍ଟରରେ ବାସ କରୁଥିଲେ। ସେ ଏମ୍.ସି.ଏଲ୍ ଅନନ୍ତ କୋଇଲା ଖଣିରେ ସେ ଫିଟର ଭାବରେ କାର୍ଯ୍ୟ କରୁଥିଲେ। କିଛି ଦିନ ପୂର୍ବେ ସେ ଡେପୁଟେସନରେ ଭରତପୁର ଖଣି ବଦଳି ହୋଇ ଆସିଥିଲେ। ମଙ୍ଗଳବାର ସକାଳେ ସେ ନିଜର ଉପସ୍ଥାନ ପକାଇ ନିଜ କର୍ମସ୍ଥଳୀକୁ ଯାଇଥିଲେ। ସେ ମାନସିକ ଭାରସାମ୍ୟ ହରାଇ ସେ ନିଜ ବେକରେ ରଶି ଲଗାଇ ଆତ୍ମହତ୍ୟା କରିଥିବାର ଅନୁମାନ କରାଯାଉଛି। ଏହି ଖବର ପ୍ରଚାରିତ ହେବା ମାତ୍ରେ ଖଣି ଅଂଚଳରେ ଉତେଜନା ପ୍ରକାଶ ପାଇଥିଲା। ଖବର ପାଇ ସ୍ଥାନୀୟ ସାଉଥବଲଣ୍ଡା ଫାଣ୍ଡି ଅଧିକାରୀ ପି.କେ.ରାଉତ ସଦଳବଳେ ଘଟଣା ସ୍ଥଳରେ ପଂହଚି ଶବକୁ ଜବତ କରିବା ସହ ଅନୁସନ୍ଧାନ ଜାରୀ ରଖିଛନ୍ତି। ପୋଲିସ ପକ୍ଷରୁ ଏକ ଅପମୃତ୍ୟୁ ମାମଲା କେଶ୍ ନଂ-୩/୧୮ରେ ରୁଜ୍ଜୁ କରାଯାଇ ଶବକୁ ବ୍ୟବଚ୍ଛେଦ ନିମନ୍ତେ ତାଳଚେର ଉପଖଣ୍ଡ ଡାକ୍ତରଖାନାକୁ ପଠାଯାଇଥିଲା।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top