ଆସୁଛି ଜାଗର, ଅବ୍ୟବସ୍ଥା ମଧ୍ୟରେ ବାବା ବକ୍ରେଶ୍ୱର

ଖଇରା/ବାଲେଶ୍ୱର, ୧୧/୨/୨୦୧୮(ଓଡିଆ ପୁଅ/ନରେନ୍ଦ୍ର ପ୍ରସାଦ ବେହେରା)-ବାଲେଶ୍ୱର ଜିଲ୍ଲା ଖଇରା ବ୍ଲକ ମାଖନପୁର ପଚାଂୟତ ତରାଙ୍ଗଠାରେ ଥିବା ବାବା ବକ୍ରେଶ୍ୱରଙ୍କ ଜାଗର ଯାତ୍ରା ଯେତେ ପାଖେଇ ଆସୁଛି ଭକ୍ତମାନଙ୍କ ମନସେତେ ଚଳଚଞ୍ଚଳ ହୋଇଉଠୁଛି। ଜିଲ୍ଲାର ଅନ୍ୟତମ ପ୍ରସିଦ୍ଧ ବହୁପୁରାତନ ପୀଠ ବାବା ବକ୍ରେଶ୍ୱର। କଥିତ ଅଛି ଆର୍ବିଭାବ ହୋଇଥିବା ଶବଲିଙ୍ଗ ବକ୍ରଥିବାରୁ ବକ୍ରେଶ୍ୱର ନାମରେ ପୂଜାପାଇ ଆସୁଅଛନ୍ତି। କାଂଶବାଂଶ ନଦୀକୂଳରେ ଥିବା ଏହି ମନ୍ଦିରଟି ୧୯୯୯ ମହାବାତ୍ୟାରେ ବୁଡିଯାଇଥିଲା। ସେହିଦିନଠାରୁ ସରକାରଙ୍କ ନଜରକୁ ଆସିଥିଲା ବାବା ବକ୍ରେଶ୍ୱର। ୩ ବର୍ଷପୂର୍ବେସରକାରଙ୍କର ପର୍ଯ୍ୟଟନ ବିଭାଗ ହାତକୁନେଇଥିଲେ। ହେଲେ ଆଜି ପର୍ଯ୍ୟନ୍ତ ପାନୀୟଜଳ, ବିଦ୍ୟୁତ୍ ଓ ନିୟମିତରାସ୍ତାର ବିକାଶ ହୋଇପାରିନାହଁ। ଜାଗରରେ ବାବାଙ୍କ ପୀଠ ଚଳଚଞ୍ଚଳ ହୋଇଉଠିଥାଏ। ଏଗାର ଦିନପାଇଁ ମେଳା ମଧ୍ୟ ବସିଥାଏ। ଭଦ୍ରକ, ବାଲେଶ୍ୱର, କେନ୍ଦୁଝର ଓ ମୟୁରଭଞ୍ଜ ସମେତ ଆଖପାଖ ଜିଲ୍ଲାରୁ ବହୁ ଶ୍ରଦ୍ଧାଳୁ ଭକ୍ତମାନଙ୍କର ଭିଡଲାଗିଥାଏ। ଯୋଗାଯୋଗ ଦୃଷ୍ଟିରୁ ସୋର, ତୁଡିଗଡିଆ ଓ ତଳନଗରରୁ ଏଠାକୁ ଆସିବା ପାଇଁ ରାସ୍ତା ରହିଛି। ଭକ୍ତ ଜଣେ ଠାକୁରଙ୍କ ନିକଟରେ ପହଂଚି ଫେରି ଯିବାପାଇଁ ବହୁତ ସମସ୍ୟାରେ ସମ୍ମୁଖିନ ହୋଇଥାଏ। ଦୁରଦୁରାନ୍ତରୁ ଆସୁଥିବା ଭକ୍ତମାନେ ରହିବାକୁ ଚହୁଁଥିଲେ ମଧ୍ୟ ପାନ୍ଥନିବାସଟିଏ ନାହିଁ। ପୀଠ ପାଇଁ ରାସ୍ତା, ପାନୀୟ ଜଳ ଓ ବିଦ୍ୟୁତ୍ ମୁଖ୍ୟ ସମସ୍ୟା ପାଲଟିଛି। ମନ୍ଦିର ତରଫରୁ ୪ ଗୋଟି ନଳକୂପ ନିଜ ଉଦ୍ୟମରେ ସ୍ଥାପନ କରାଯାଇଛି। ଯାହାକି ଶହଶହ ଭକ୍ତଙ୍କ ପାଇଁ ପାନୀୟ ଜଳ ସମସ୍ୟା ସୃଷ୍ଟିକରିଥାଏ। ମନ୍ଦିରକୁ ସଂଯୋଗ କରୁଥିବା ନିତିଦିଆ ରାସ୍ତା ଗୁଡିକ ମଧ୍ୟରେ ତରାଙ୍ଗ- ବକ୍ରେଶ୍ୱ, ବାଉରିପଦା- ନିଶ୍ଚିନ୍ତା, ପଣ୍ଡୁ-ବକ୍ରେଶ୍ୱର ଭକ୍ତମାନେ ନିର୍ଭର କରିଥାଆନ୍ତି। ଏହି ରାସ୍ତଟି କାଦୁଆକଚା ରାସ୍ତା ହୋଇଥିବାରୁ ସାମାନ୍ୟ ବର୍ଷାହେଲେ ମନ୍ଦିରକୁ ଯାତାୟତ ଠପ୍ ହୋଇଯାଇଥାଏ। ସେହିପରି ବିଦ୍ୟୁତ୍ ସେବା ମଧ୍ୟ ଏଠାରେ ଠିକ୍ ଭାବେ ମିଳି ନ ଥାଏ। ପର୍ଯ୍ୟଟନ ସ୍ଥଳିର ମାନ୍ୟତା ପାଇବା ୩ ବର୍ଷ ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ ସରକାରଙ୍କ ତରଫରୁ କୌଣସି ସମସ୍ୟାର ସମାଧାନ ହୋଇପାରିଲା ନାହିଁ। ଏହା ବଡ ଦୁଃଖ ଓ ପରିତାପର ବିଷୟ ହୋଇଥିବାର ମନ୍ଦିର ପରିଚାଳନା କମିଟିର ସଭ୍ୟ ବରେନ୍ଦ୍ର କୁମାର ପାଣି ପ୍ରକାଶ କରିଛନ୍ତି।

Leave a Reply

Your email address will not be published. Required fields are marked *