ଓଡ଼ିଶା

ଆସନ୍ତାକାଲି ନବଯୌବନ ଦର୍ଶନ: ଶ୍ରୀଜିଉମାନଙ୍କର ବନକଲାଗି ନୀତି ସମ୍ପନ୍ନ

ପୁରୀ:୧୨/୭ (ଓଡ଼ିଆ ପୁଅ/ବିଜୟ ପଟ୍ଟନାୟକ) : ଆସନ୍ତାକାଲି ଶ୍ରୀଜିଉମାନଙ୍କର ନବଯୌବନ ଦର୍ଶନ ଅନୁଷ୍ଠିତ ହେବ। ସ୍ନାନ ପୂର୍ଣ୍ଣିମା ଠାରୁ ଶ୍ରୀଜିଉମାନେ ଅନବସର ପିଣ୍ଡିରେ ରହିଥିଲେ। ସେହି ସମୟରେ ଶ୍ରଦ୍ଧାଳୁ ଭକ୍ତମାନେ ଶ୍ରୀଜିଉମାନଙ୍କ ଦର୍ଶନରୁ ବଞ୍ଚିତ ହୋଇ ପଟି ଦିଅଁକୁ ଦର୍ଶନ କରୁଥିଲେ ଓ ବ୍ରହ୍ମଗିରି ଯାଇ ଅଲାରନାଥଙ୍କୁ ଦର୍ଶନ କରିଥିଲେ। କଥିତ ଅଛି ଅନବସର ଘରେ ଶ୍ରୀଜିଉମାନେ ଥିବା ବେଳେ ବ୍ରହ୍ମଗିରି ଅଲାରନାଥଙ୍କୁ ଦର୍ଶନ କଲେ ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନ ମିଳିବା ସହ ବହୁ ପୂଣ୍ୟ ହୋଇଥାଏ। ଅନବସର ପିଣ୍ଡିରେ ଶ୍ରୀଜିଉମାନେ ରହିବା ପରେ ଏହି ସମୟରେ ଦଇତା ସେବାୟତମାନଙ୍କୁ ଗୁପ୍ତ ସେବା ପରେ ଶ୍ରୀଜିଉମାନେ ଦ୍ୱାଦଶୀ ତିଥିରେ ସୁସ୍ଥ ହୋଇଥିଲେ। ଆଜି ଶ୍ରୀଜିଉମାନଙ୍କର ଅନବସର ଘରେ ବନକଲାଗି ନୀତି ସମ୍ପନ୍ନ ହୋଇଛି। ଦତ୍ତ ମହାପାତ୍ର ସେବାୟତ ଓ ସିଂହାରୀ ସେବାୟତମାନେ ମହାପ୍ରଭୁଙ୍କର ବନକଲାଗି ନୀତି ସମ୍ପନ୍ନ କରିଛନ୍ତି। ପାରମ୍ପାରିକ ରଙ୍ଗରେ ମହାପ୍ରଭୁଙ୍କ ଶ୍ରୀମୁଖକୁ ଶୃଙ୍ଗାର କରାଯାଇଥିଲା। ନବଯୌବନ ଦର୍ଶନ ଦେଖିବା ପାଇଁ ରାଜ୍ୟ ଓ ରାଜ୍ୟ ବାହାରୁ ପଯର୍ଯ୍ୟଟକ ଓ ତୀର୍ଥଯାତ୍ରୀମାନଙ୍କର ସମାଗମ ବୃଦ୍ଧି ପାଇଛି। ଆଉ ଗୋଟିଏ ଦିନ ପରେ ବିଶ୍ୱପ୍ରସିଦ୍ଧ ଘୋଷଯାତ୍ରା ଅନୁଷ୍ଠିତ ହେବ। ରଥ ନିର୍ମାଣ ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ଆସନ୍ତାକାଲି ରଥଖଳାରେ ତିନି ରଥକୁ ଟଣାଯାଇ ସିଂହଦ୍ୱାରକୁ ନିଆଯିବ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top