ଓଡ଼ିଶା

ଆନ୍ତର୍ଜାତୀୟ ମହିଳା ଦିବସରେ ନିଶା ନିବାରଣ ପାଇଁ ଶପଥ

କେନ୍ଦ୍ରାପଡା ୮/୩(ଓଡିଆପୁଅ/ଚିତ୍ତରଞ୍ଜନ ଦାସ ) – କେନ୍ଦ୍ରାପଡା ବ୍ଲକ ଅନ୍ତର୍ଗତ କପାଳେଶ୍ୱର ଗ୍ରାମର ବଳଦେବ କମ୍ପୁ୍ୟଟର ଶିକ୍ଷାକେନ୍ଦ୍ର ପରିସରରେ ଆଜି ବଳଦେବଜୀଉ ଚାରିଟେବୁଲ ଟ୍ରଷ୍ଟ ପକ୍ଷରୁ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଇଥିଲା । ଉହି ଉପଲକ୍ଷେ ଟ୍ରଷ୍ଟର ସଭାପତି ତଥା ଓଡିଶା ଜନଶକ୍ତି ପାର୍ଟିର ରାଜ୍ୟ ସଭାପତି ପ୍ରଦୀପ କୁମାର ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଓଡିଶା ନିଶା ନିବାରଣ ଅଭିଯାନର ସଭାପତି ତଥା ପୂର୍ବତନ ବିଧାୟକ ପଦ୍ମ ଚରଣ ନାୟକ ମୁଖ୍ୟ ଅତିଥି ଭାବେ ଯୋଗଦେଇ କହିଥିଲେ ଯେ ଗାନ୍ଧିଜୀ ଚାହିଁଥିଲେ ସ୍ୱାଧୀନତାର ୨୪ଘଣ୍ଟା ମଧ୍ୟରେ ସାରା ଦେଶରେ ନିଶା ନିବାରଣ ହେଉ । କିନ୍ତୁ ତାହା ଆଜିବି ସମ୍ଭବ ହୋଇ ପାରି ନାହିଁ । ତେଣୁ ଆଜି ଭଳି ପବିତ୍ର ଦିନରେ ମାତୃଜାତିର ସମ୍ମାନ ରକ୍ଷା ନିମନ୍ତେ ସମାଜରୁ ନିଶା ନିବାରଣ ପାଇଁ ସମସ୍ତେ ଶପଥ ନେବାକୁ ଆହ୍ୱାନ ଦେଇଥିଲେ । ଏହି ସଭାରେ କିଶୋର ନ୍ୟାୟ ପରିଷଦର ସଦସ୍ୟ ପ୍ରାଧ୍ୟାପକ ବିପିନ ବିହାରୀ ବାରିକ,ବହୁଜନ ସମାଜ ପାର୍ଟିର ଜିଲ୍ଲା ସଭାପତି ଏହେସାନ ଅଲ୍ଲୀ,ଜନଶକ୍ତି ପାର୍ଟିର ଜିଲ୍ଲା ସଭାପତି ବିଷ୍ଣୁ ଚରଣ ମହାପାତ୍ର,ବିଜେପିର ଉପ ସଭାପତି ଉପିନ ରାଉତ,ସି.ପି.ଆଇ.ର ଜିଲ୍ଲା ସମ୍ପାଦକ ରମଣୀରଞ୍ଜନ ରାଉତରାୟ,ଜନ୍ମେଜୟ ସେଠୀ,ଝରଣା ଦାଶ,ଲାବଣ୍ୟ ମଲ୍ଲିକ,ଜିତେନ୍ଦ୍ର ବାରିକ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ପୂର୍ବତନ ବିଧାୟକ ପଦ୍ମ ଚରଣ ନାୟକଙ୍କୁ ସମାଜ ପ୍ରତି ତାଙ୍କର ବିଶେଷ ଅବଦାନ ପାଇଁ ବଳଦେବଜୀଉ ଚାରିଟେବୁଲ ଟ୍ରଷ୍ଟ ପକ୍ଷରୁ ଫୁଲତୋଡା,ଉତ୍ତରୀୟ ଓ ମାନପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top