ଆଇନ ଶୃଙ୍ଖଳା ବିପର୍ଯ୍ୟସ୍ତ ପ୍ରତିବାଦରେ ବ୍ୟବସାୟୀ ସଂଘର ବିକ୍ଷୋଭ

କଳାହାଣ୍ଡି-୨୯-୭ (ଓଡିଆ ପୁଅ/ଦୁଷ୍ମନ୍ତ କୁମାର ପଣ୍ଡା)ଆଇନ ଶୃଙ୍ଖଳା ବିପର୍ଯ୍ୟସ୍ତ ପ୍ରତିବାଦରେ ଗତ ୨୭ ତାରିଖ ଦିନ କଳାହାଣ୍ଡି ଜିଲ୍ଲା ଧର୍ମଗଡ ଠାରେ ସ୍ଥାନୀୟ ବ୍ୟବସାୟୀ ସଂଘ ପକ୍ଷରୁ ଏକ ସହର ପରିକ୍ରମା କରାଯାଇ ପୋଲିସ ଅଧିକ୍ଷକଙ୍କ ଉଦ୍ଦେଶ୍ୟରେ ଏସଡିପିଓଙ୍କୁ ଏକ ଦାବି ପତ୍ର ପ୍ରଦାନ କରାଯାଇଥିଲା। ସହରରେ ଦିନକୁ ଦିନ ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡିଥିବା ବେଳେ ଦିନକୁ ଦିନ ଚୋରୀ, ଡକାୟତି, ଲୁଟ ତରାଜ ଭଲି ଅନେକ ଘଟଣାମାନ ଘଟୁଛି। ଏଥିପାଇଁ ସହରବାସୀ ତଥା ବ୍ୟବସାୟୀ ମାନେ ନିରାପଦ ମଣୁନାହାନ୍ତି। ସହରର ମୁଖ୍ୟ ରାସ୍ତାରେ ଥିବା ବ୍ୟବସାୟୀ ସତ୍ୟନାରାୟଣ ମୁଣ୍ଡ ଗୁରବାର ରାତି ୯ଟାରେ ଦିକାନ ବନ୍ଦ କରି ଟଙ୍କା ବେଗ ଧରି ଘରକୁ ଫେରୁଥିବା ବେଳେ ଏକ ଧଳା ରଙ୍ଗର ଆପାଚି ମଟର ସାକେଲରେ ୩ଜଣ ଦୁର୍ବୁତ ଆସି ହଠାତ ତାଙ୍କ ମୁଣ୍ଡ ଉପରେ ଲୁହା ଛଡରେ ଆଘାତ କରିବା ସହିତ ଧାରୁଆ ଅସ୍ତ୍ରରେ ଆଘାତ କରି ଲୁଟ ଉଦ୍ୟମ କରିଥିଲେ। ପ୍ରାଣ ବିକଳରେ ବ୍ୟବସାୟୀ ଜଣକ ଚିତ୍କାର କରିବାରୁ ସ୍ଥାନୀୟ ଲୋକେ ଦୌଡି ଆସିବାରୁ ଦୁର୍ବୁତ ମାନେ ପଳାଇ ଯାଇଥିଲେ। ଗୁରୁତର ସତ୍ୟନାରାୟଣଙ୍କୁ ଡାକ୍ତରଖାନାକୁ ନେଇ ଚିକିତ୍ସିତ କରାଯାଇଥିବା ପ୍ରକାଶ। ଏହି ଘଟଣାର ୩ ଦିନ ପୂର୍ବରୁ ସେହିପରି ଏକ ଧଳା ବାଇକରେ ୩ଜଣ ଦୁର୍ବୁତ ଷ୍ଟେଟ ବେଙ୍କ ସାମନାରୁ ଜଣେ ମହିଳାଙ୍କ ଠାରୁ ୧ଲକ୍ଷ ୫ ହଜାର ଟଙ୍କା ଲୁଟି ନେଇଥିବା ବେଳେ ପୋଲିସ ବର୍ତମାନ ପର୍ଯ୍ୟନ୍ତ ସେହି ଲୁଟେରା ଓ ଆକ୍ରମାଣକାରୀ ମାନଙ୍କୁ ଧରିବାରେ ସଫଳ ହୋଇନଥିବାରୁ ଜନସାଧାରଣରେ ଅସନ୍ତୋଷ ପ୍ରକାଶ ପାଇବାରେ ଲାଗିଛି। ସହରରେ ଆଇନ ଶୃଙ୍ଖଳା ଦିନକୁ ଦିନ ବିପର୍ଯ୍ୟସ୍ତ ହୋଇପଡୁଥିବା ବେଳେ ବ୍ୟବସାୟୀ ଓ ସ୍ଥାନୀୟ ଜନସାଧାରଣଙ୍କ ଧନଜୀବନ ଅସୁରକ୍ଷିତ ହୋଇପଡୁଥିବା ବ୍ୟବସାୟୀ ସଂଘ ଅଭିଯୋଗ କରିଛି। ପୋଲିସ ପାଟ୍ରୋଲିଂ ବ୍ୟବସ୍ଥାକୁ କଡାକଡି କରିବାକୁ ଦାବି କରାଯାଇଛି। ଧର୍ମଗଡ ବ୍ୟବସାୟୀ ସଂଘ ସଭାପତି ବିଦ୍ୟାଧର ସାହୁଙ୍କ ନେତୃତ୍ୱରେ ସମସ୍ତ କାର୍ଯୟକର୍ତା ଓ ସ୍ଥାନୀୟ ବୁଦ୍ଧିଜୀବି ମାନେ ଏକ ଶୋଭାଯାତ୍ରାରେ ସହର ପରିକ୍ରମା କରି ଏସଡିପିଓଙ୍କୁ ଦାବିପତ୍ରା ଦାଖଲ କରିଛନ୍ତି।

Leave a Reply

Your email address will not be published. Required fields are marked *