ଓଡ଼ିଶା

ଅଜଣା ଗାଡି ଧକ୍କାରେ ବାଇକ ଦୁର୍ଘଟଣାଗ୍ରସ୍ତ ,ବାଇକଚାଳକ ଘଟଣାସ୍ଥଳରେ ମୃତ

ହରିଚନ୍ଦନପୁର,ତା୧୩.୦୨(ଓଡିଆ ପୁଅ/ପ୍ରେମାନନ୍ଦ ଦାସ) କେନ୍ଦୁଝର ଜିଲ୍ଲା ହରିଚନ୍ଦନପୁର ଠାରୁ ବ୍ରାହ୍ମଣୀପାଳ ଭିଆଇପି ରାସ୍ତାର ଖଡିବାହାଳୀ ଛକ ନିକଟସ୍ଥ ରେଲୱେ ବାଇପାସ୍ ପାଖରେ ଅଜଣା ଗାଡି ଧକ୍କାରେ ବାଇକ ଆରୋହୀଙ୍କ ମୃତ ଘଟିଛି । ଖବର ନେବାରୁ ଜଣାପଡିୁଛି ଟମକା ଥାନା ଅଞ୍ଚଳର ତରି ଗ୍ରାମର ସନାତନ ପୃର୍ତ୍ତି ଭଗାମୁଣ୍ଡା ଗ୍ରାମପଞ୍ଚାୟତର ରଙ୍ଗମାଟିଆ ନିଜ ସମ୍ପର୍କୀୟ ଘରକୁ କୌଣସି କାମରେ ଯାଇଥିଲେ ।ସେଠାରୁ କାମ ସାରି ସୋମବାର ରାତିରେ ଘରକୁ ଫେରୁଥିବା ସମୟରେ ଦୁର୍ଘଟଣା ଘଟିଥିଲା । ସେ ନିଜ ହିରୋହୁଣ୍ଡା ବାଇକ ଓଆର ୦୧ ଇ ୭୧୪୧ ମଟରସାଇକେଲ ଆସୁଥିଲେ,ଖଡିବାହାଳୀ ଛକ ନିକଟସ୍ଥ ରେଲୱେ ଓଭରବ୍ରିଜ୍ ନିକଟରେ ଅଜଣା ଗାଡି ସାଇଟ୍ ମାରିବାରୁ ଖୁମ୍ବରେ ପିଟି ହୋଇ ରାସ୍ତା ତଳକୁ ପଳାଇଥିଲେ ଓ ଘଟଣାସ୍ଥଳରେ ମୃତ୍ୟୁ ବରଣ କରିଥିଲେ ।ସକାଳୁ ସକାଳୁ ଖଡିବାହାଳୀ ଗ୍ରାମର ଲୋକମାନେ ଘଟଣା ଦେଖି ହରିଚନ୍ଦନପୁର ପୋଲିସକୁ ଫୋନ ଯୋଗେ ଜଣାଇଥିଲେ । ଖବର ପାଇ ପୋଲିସ ଘଟଣାସ୍ଥଳେ ପହଞ୍ଚି ଶବ ଓ ମୋଟରସାଇକେଲକୁ ଜବତ କରିଥିଲା । ଶବଟିକୁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ବେବଚ୍ଛଦ ପାଇଁ ପଠାଇଥିଵା ସହ ଘଟଣାଟିର ଅଧିକ ତଦନ୍ତ ଚଳାଇଥିବାର ପୋଲିସ ପକ୍ଷରୁ ସୂଚନା ମିଳିଛି ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top